مطر ینزل علی غیضک و روجاک
حدر غدر الهضم ابغی و روجــاک
ابلبن امک الشربیته و روجـــاک
دعیتک لا تشمت اعدای بیــــــه
***
ما معتازلک یل شارد ابعیــــــد
ولا معتاز دشتک بل ثنــــــــیه
الی رب الخلقنی یمتحن شوف
ولا اریدک بعد تنشد علیـــــه
***
متقدّر اخوک او معتنی لیــــک
ولهان ابمحبتک بل امانـــــــی
تتعیل و اجیک ابگلب عطشان
شربت المای منه او شرگانی
***
عدّیت الایام او آنه زعـــــــلان
نسّانی الدهر ضرباتک ابسـوط
گلنه یاتی عید الله او ندش لیــه
لگیته حیه بگعه ابخابط اتلــوط
***
استِمِع چلمات ترسل بل مراســـیل
تخیب امالی منک یل عفتنـــــــــه
یلچمن بل گلب و الدم جرا اشطوط
شنهی السده اعلیینه او ما ردتنـــه
***
آنه ابضیجک او عازات الدهر زین
وگفت اویاک بسلاحی او حلالـــی
تذکر یوم حافک املح البیـــــــن
الشارع یشهد النه آنه اورجالـــی
***
او تذکر یوم خلّص جیبک افـــــلوس
او بگیت امسیر اویه الزمن تفتـــــــر
سمعت او جیتک ابصفگه امن الانواط
ما حسبیت و اهدیتک امدثــــــــر
***
او تذکر من بگیت امعیّر النـــــاس
ما عندک سکن تفتر بلبیـــــــــوت
صحت لی و الگلب صارالک احزام
نمت ابدار روحی الکتمت الصـوت
***
او تذکر یو زفتک و آنه شلحــــوط
راچب بل بلم و آنه اجر بیـــــــک
انت امکیّف او عندک عرس عیــــد
و آنه چانف اهدومی ابلهثه اباریک
***
او تذکر یوم وزاک ابن العــــناد
من حقدک شردت الغیر دیــره
طالب و اعتنی الشوفتک یا حیف
وفا ما کو بعد ماتت الغیــــــره
***
بچیت اعلیک ربعی تبچی ویای
مو خایف ولا لچنی الزمـن دوم
ولا معتاز لک یا خاین الـــذات
ولا معتاز جیتک تدفع الگـــوم
***
ولا جوعان و انت عیشتی اتصیـر
ولا عطشان و اتشربنی مــــرّک
ولا فاقد الخلفه او توگف اویای
بچیت اعلیک ما حافظلی سرک
***
الذله ابعیده عنی او شردت ابعید
یوم الشافت الهمه ابوجــــــودی
الرب ویای مو ویاک طرطیـــــر
بل صعبات تتحاشـــــد ورودی
***
ابعمری ما شفت حاسد او شــــــرّاد
یعوف الخوه و ایساند خیـــــــــاله
نکرت امک و ابوک او صرت جرّاد
الباراهم یزید ابکل جلالــــــــــه
لا عدک ابو لا ام و لا جــــــــار
ولا اخ التریده ایدش علیــکم
ولا خیه و لا اولادک احـــذاک
ولا طارش تکرمه من یجیکم
***
انت امنین طالع نبع یا گـــــاع
او یا دین التعبده او تابعیتـــــه
ابکل اکتاب موجوده الصله فیه
قریت احروف گلبک ما لگیته
***
مثلی ما اظن تلگه وفا او طیــــــب
بس عباس ویه احسین شفتـــــــه
اشما ادنی الگلب لیک انت فرّیت
درب خوتک من شارعنه عفتـــه
***
اظن تتحسف اعلی الجرا یا عـــود
تجیک ایام و اتشوف المنایـــــــه
الشیب اگبل علیک ابخزی و ابعار
یطردونک او تبغی ابلا حمایـــــه
***
یون گلبی علیک او ما سکــن دوم
دریت امکسر ابدرب الیشتلـــون
اخاف الهاویات و انته حمــــــران
تجی نیران غیضک و الیعتبـــون
***
خفت من الشرار ایثور بل لـــــــوط
حسبت احساب گلبی او جبته یمک
ردت خوه او عشره اتدوم لسنیـــن
بلچی اتطیع للحگ و اروه سمــــک
***
اجانه العید یستر کل معایــــــب
تنطره الناس و اتصفی ابهل اگلوب
النکر صیته مریض او ابد ما طاب
الما وجّب ثنیته حضه مگلـــوب
***
اجیتک معتنی والگلب ولهــــــان
انتظرت البوسه و الشمه ابدلیلــک
لبدت ابدار ظلمه او چلبک الگــال
شال ابعید عنک ما یجیلـــــــک
***
طردنه ابزفرت السانه القتّـــــال
او سد باب المحبه او عذبانـــــه
رجعنه ابلوم نتلاوم اویه الروح
شعل نار العداوه او مرمرانـــه
***
اذا بلعید ما ندخل ثنایـــــــاک
تگول السنه محد عایدانـــــی
اذا جیتک تسد بابک یمهلوک
هجم چلبک علیه او عضضّانی
***
ابعون الله النصر و الفخر موجود
الابیض سار و ایرفرف خیالــــه
اسباع الشالته و اتزامط ابـــزود
انرسم بگلوبنه حبه اودلالـــــه
***
جاسم امحمد الجبیره الحسانی الساری
02/06/1391
:: برچسب‌ها:
تذکر یوم ,
,
,
,
,
,
,
,
,
,
,
:: بازدید از این مطلب : 1100
|
امتیاز مطلب : 15
|
تعداد امتیازدهندگان : 7
|
مجموع امتیاز : 7
عضو شوید
عضویت سریع
آمار مطالب
آمار بازدید
